Два чалавекі загінулі ў аварыі, якая адбылася 26 снежня каля 17.00 у Лагойскім раёне, паведамілі ў абласной ДАІ.
Папярэдне высветлілі, што 48-гадовы кіроўца BMW ехаў трасай Р66. У раёне 18-га кіламетра дарогі ён не справіўся з кіраваннем, выехаў на паласу сустрэчнага руху і ўрэзаўся ў трактар, якім кіраваў 27-гадовы жыхар Лагойска.
У выніку ДТЗ кіроўца легкавіка, а таксама яго 62-гадовая пасажырка ад атрыманых цялесных пашкоджанняў памерлі на месцы здарэння. Яшчэ адзін пасажыр BMW з цяжкімі траўмамі дастаўлены ў бальніцу.