Амерыканская карпарацыя Google выдаткавала 2,7 мільярда даляраў, каб былы супрацоўнік Ноам Шазір вярнуўся ў кампанію. Пра гэта паведамляе The Wall Street Journal са спасылкай на ўласныя крыніцы.
Ноам Шазір сышоў з Google у 2021 годзе і пачаў займацца ўласным стартапам Character.AI.
Пасля гэтага Google купіла ліцэнзіі на тэхналогіі Character.AI, заплаціўшы 2,7 млрд даляраў, але выставіла разам з гэтым абавязковую ўмову ўгоды — вяртанне IT-генія ў кампанію. Большая частка сумы была прызначаная менавіта для заснавальніка стартапа Шазіра.
Цяпер 48-гадовы айцішнік — віцэ-прэзідэнт Google. Ён працуе над ШІ-тэхналогіяй Gemini.
Паводле інфармацыі выдання, такая выплата лічыцца вельмі вялікай для заснавальніка, які не прадаў свой стартап і не вывеў яго на біржу.