Жыхарка Воранаўскага раёна, якая працуе жывёлаводам у мясцовай гаспадарцы, звярнулася ў пракуратуру: яе не задавальняў памер заробку. Аднак у ведамстве высветлілі, што жанчыне і яе калегам нават налічылі лішнія праца-гадзіны — у выніку заробак ім пералічылі, але ў бок змяншэння.
Пракуратура праверыла зварот работніцы КСУП «Доцішкі», якая скардзілася на свой заробак жывёлавода. Аднак вынікі аказаліся яшчэ больш неспрыяльнымі для жанчыны.
Згодна з палажэннем па аплаце працы, зацверджаным дырэктарам гаспадаркі і ўзгодненым старшынёй прафкама, налічэнне зарплаты работнікам жывёлагадоўлі ажыццяўляецца за адзінку вырабленай прадукцыі або абслужанага пагалоўя жывёлы за адпрацаваны час.
У прыватнасці, у малочнай жывёлагадоўлі расцэнка вызначаная для жывёлаводаў па абслугоўванні цялят прафілакторнага перыяду: за адзін цэнтнер прыросту жывой масы і за абслугоўванне адной галавы.
Аднак у красавіку 2024 года падчас налічэння зарплаты за абслугоўванне цялят і валавую прыбаўку неабгрунтавана ўключылі 175 гадзін працы жывёлавода.
Пракуратура Воранаўскага раёна запатрабавала ад аграпрадпрыемства ліквідаваць парушэнні і зрабіць пераразлік заробку жанчыны, а заадно і трох іншых трох жывёлаводаў.
У выніку ўсім ім пералічылі заробак на 750 рублёў.