ДАІ высветліла асобы двух падлеткаў, якія пракаціліся на самакаце праз праспект Незалежнасці ў Мінску, паведаміла расійскае інфармацыйнае агенцтва Sputnik Беларусь.
Відэа «пакатушак» двух школьнікаў днямі з’явілася ў сеціве. У роліку можна заўважыць, як юныя самакатчыкі, парушаючы правілы дарожнага руху, пераехалі праспект з аднаго тратуара на іншы. ДАІ высветліла асобы парушальнікаў. Імі аказаліся мінчукі 11 і 12 гадоў.
У Дзяржаўтаінспекцыі нагадалі, што асобам да 14 гадоў забаронена перасоўвацца на сродках персанальнай мабільнасці, за выключэннем пешаходных і жылых зон.
З улікам узросту парушальнікаў, адказваць давядзецца іх бацькам. Ім пагражае да 10 базавых велічынь штрафу (400 рублёў).