Тэлефонныя аферысты падманулі мінчанку, сказаўшы ёй, што з яе акаўнта на Wildberries хтосьці спрабуе аформіць растэрміноўку. У выніку яна страціла больш за 35 тысяч рублёў, расказалі ў міліцыі.
Жыхарка Мінска стала ахвярай чарговай схемы тэлефонных аферыстаў. Яны скарысталіся тым, што ў яе ёсць рахунак на маркетплэйсе Wildberries.
Спачатку жанчыне ў мэсэнджары патэлефанаваў невядомы, які прадставіўся супрацоўнікам мабільнага аператара. Ён паведаміў, што з яе тэлефоннага нумара ў акаўнце Wildberries ашуканцы спрабуюць аформіць крэдыт на ноўтбук.
Потым мінчанку пераадрасавалі на нібыта супрацоўніка фінансавай міліцыі. Той пацвердзіў, што ашуканцы ад яе імені адкрылі крэдыт у банку і «адмываюць» грошы. Праз гэта ў кватэры жанчыны правядуць ператрус, а таксама канфіскуюць усе незадэклараваныя сродкі. Каб пазбегнуць гэтага, грошы прапанавалі перавесці на спецыяльны рахунак.
— Знаходзяцца са мной увесь час на сувязі, не адпускаюць, ціснуць псіхалагічна, — апісала жанчына свае зносіны з суразмоўцамі.
У выніку мінчанка паверыла і перавяла больш за 35 тысяч рублёў на рахункі аферыстаў. Але гэта яшчэ не ўсё: ашуканцы маніпуляцыямі пераканалі жанчыну здаць ювелірныя вырабы ў ламбард, а грошы таксама перавесці на «бяспечны рахунак».
Пра тое, што яна стала ахвярай аферыстаў, гараджанцы патлумачыў сын, якому яна неўзабаве расказала пра здарэнне. Распачатая крымінальная справа па факце махлярства.