Малодшы сын Аляксандра Лукашэнкі Мікалай атрымаў прэзідэнцкую стыпендыю. Пра гэта паведамляецца ў распараджэнні, якое бацька Мікалая падпісаў 25 ліпеня 2023 года. Увагу на дакумент звярнула «Народная Воля».
У другім семестры 2022/2023 навучальнага года Мікалай будзе атрымліваць 186,97 рубля штомесяц.
Нагадаем, мінулым летам стала вядома, што Мікалай Лукашэнка паступіў на біяфак БДУ. Афіцыйна гэтая інфармацыя нідзе не пацвярджалася. У спісах на залічэнне яго таксама не было. Але, як расказвалі «Люстэрку» чытачы, на біялагічным факультэце сабралі асобную групу таленавітых выпускнікоў, куды і ўвайшоў самы вядомы абітурыент-2022.
У чэрвені Аляксандр Лукашэнка ў эфіры тэлеканала «Россия 1» заявіў, яго малодшы сын праходзіць навучанне ў Пекінскім універсітэце ў межах праекта супрацоўніцтва Беларусі і Кітая.
Чытайце таксама
