Беларускі дамен партала Reform.by вырашылі ануляваць. Такі ліст рэдакцыя атрымала ад Аператыўна-аналітычнага цэнтра пры прэзідэнце 15 красавіка.
У ААЦ гэта растлумачылі тым, што сайт уключылі ў рэспубліканскі «спіс экстрэмісцкіх матэрыялаў».
Рашэнне пра ануляванне мусіць выканаць рэгістратар hoster.by, а тэхнічны адміністратар даменнай зоны, кампанія «Беларускія воблачныя тэхналогіі», павінная дадаць яго ў спецыяльную базу дадзеных.
У рэдакцыі гэтае рашэнне назвалі цэнзурай і маніпуляваннем з боку ААЦ міжнароднымі абавязаннямі Беларусі.
Партал збіраецца ўключыць сайт на дамене reform.news, які таксама заблакаваны ў Беларусі, але там яго не могуць кантраляваць. Таксама рэдакцыя будзе працягваць сваю дзейнасць у сацсетках.
Акрамя таго, журналісты збіра.цца звярнуцца па абарону ў міжнародныя арганізацыі, якія кіруюць інтэрнэтам.