У пераднавагоднія дні і навагоднюю ноч у Беларусі прагназуецца цёплае надвор’е з дажджамі і туманамі. Пра гэта БЕЛТА паведамілі ў Белгідрамеце Мінпрыроды.
«Набліжаецца Новы год, і мы ўсе хочам снегу, лёгкага марозу, але ў Атлантыкі свае планы. Паводле прагнозаў на найбліжэйшы час, мяняць іх яна не збіраецца. Паводле апошніх звестак, станоўчая анамалія тэмпературы паветра па краіне складае ад аднаго да чатырох градусаў і ў найбліжэйшыя дні будзе толькі павялічвацца. Ападкі зноў будуць ісці ў асноўным у выглядзе дажджу, месцамі — з мокрым снегам», — расказалі ў Белгідрамеце.
Падчас паступлення цёплага паветра ў начныя і ранішнія гадзіны ў асобных раёнах могуць утварацца туманы, якія пагаршаюць бачнасць да 100−500 м, — кіроўцам і пешаходам трэба быць уважлівымі і асцярожнымі. Асобныя ўчасткі дарог будуць слізкімі. «У дзённыя гадзіны 30 снежня месцамі па краіне будзе ўзмацняцца вецер парывамі 15−20 м/с», — дадалі сіноптыкі.
У пятніцу, 27 снежня, месцамі па краіне пройдуць невялікія ападкі (у асноўным дождж). У асобных раёнах можа быць туман, на дарогах галалёдзіца. Ноччу і раніцай месцамі прагназуецца слабы галалёд. Тэмпература паветра мінімальная ноччу- −1…+5°С, максімальная днём — ад аднаго да шасці градусаў цяпла.
У суботу, 28 снежня, на большай частцы тэрыторыі краіны чакаюцца кароткачасовыя ападкі (дождж, мокры снег). У асобных раёнах прагназуюцца слабыя туман і галалёд, ноччу і раніцай на дарогах галалёдзіца. Тэмпература паветра цягам сутак — 0…+6°С.
У нядзелю, 29 снежня, у многіх раёнах Беларусі пройдуць невялікія кароткачасовыя дождж і мокры снег. Месцамі могуць быць слабыя туман і галалёд, на дарогах галалёдзіца. Тэмпература паветра цягам сутак — ад мінус аднаго да плюс пяці градусаў.
У панядзелак, 30 снежня, месцамі па краіне чакаюцца кароткачасовыя ападкі (дождж, мокры снег), слабы галалёд. Ноччу і раніцай прагназуецца слабы туман, на асобных участках дарог галалёдзіца. У дзённыя гадзіны месцамі ўзмоцніцца вецер парывамі 15−20 м/с. Тэмпература паветра мінімальная ноччу- −2…+4°С, максімальная днём — ад нуля да шасці градусаў цяпла.
«Паводле папярэдніх прагнозаў, у апошні дзень 2024 года і ў першы дзень 2025 года ў Беларусі захаваецца цёплае надвор’е. Днём 31 снежня па рэспубліцы тэмпература паветра складзе −1…+5°С. У навагоднюю ноч слупкі тэрмометраў пакажуць ад мінус трох да плюс двух градусаў. Пры гэтым без ападкаў не абыдзецца. 31 снежня і 1 студзеня месцамі дыскамфорту дадасць моцны парывісты вецер», — расказалі сіноптыкі.
У аўторак, 31 снежня, ноччу месцамі, раніцай і днём на большай частцы тэрыторыі Рэспублікі прагназуюцца ападкі (мокры снег, дождж). У асобных раёнах чакаецца слабы галалёд, на дарогах можа быць галалёдзіца. Месцамі ўзмоцніцца вецер з парывамі да 15−20 м/с.тэмпература паветра мінімальная ноччу складзе ад мінус трох да плюс трох градусаў, максімальная днём — −1…+5°С.
У сераду, 1 студзеня, месцамі па краіне чакаюцца кароткачасовыя ападкі (мокры снег, дождж). У асобных раёнах можа быць слабы галалёд, на дарогах галалёдзіца. Месцамі прагназуецца ўзмацненне ветру парывамі 15−20 м/с. Тэмпература паветра мінімальная ноччу складзе -3…+ 2 °C, максімальная днём — −1…+5°С.