Сёння спаўняецца роўна дзесяць гадоў з моманту расійскай анексіі Крыма. Спачатку Крэмль захапіў украінскі паўвостраў з дапамогай узброеных людзей без апазнавальных знакаў, а потым правёў там арганізаваны па-хуткаму рэферэндум. 18 сакавіка 2014 года РФ фармальна ўключыла Рэспубліку Крым у свой склад. Менавіта з тых падзей пачалася «руская вясна» — крывавы канфлікт ва Украіне, які ў 2022-м перарос у поўнамаштабную вайну і за дзесяцігоддзе забраў жыцці дзясяткаў тысяч чалавек. Пераважная частка міжнароднай супольнасці не прызнала анексію. Мы вырашылі ўспомніць у фотаздымках, як Расія захапіла ўкраінскі паўвостраў.
Украінская міліцыя раздзяляе натоўпы прарасійскіх сепаратыстаў і крымскіх татараў падчас паралельных мітынгаў ля будынка крымскага парламента ў Сімферопалі, Крым, Украіна, 26 лютага 2014 года. Тысячы прарасійскіх актывістаў зладзілі сутычку з прыхільнікамі адзінай Украіны пасля перамогі «рэвалюцыі годнасці» ў Кіеве. Фота: ReutersЛюдзі здымаюць украінскі сцяг, каб замяніць яго на расійскі, перад будынкам мэрыі, захопленай узброенымі людзьмі падчас прарасійскага мітынгу ў Сімферопалі, Крым, Украіна, 27 лютага 2014 года. Фота: ReutersЛідар Ліберальна-дэмакратычнай партыі Расіі (ЛДПР) Уладзімір Жырыноўскі прыбывае на сустрэчу ў мэрыю горада Севастопаль, Крым, Украіна, 28 лютага 2014 года. Фота: ReutersУзброеныя людзі без апазнавальных сцягоў патрулююць аэрапорт у Сімферопалі, Крым, Украіна, 28 лютага 2014 года. Фота: ReutersЖанчына размахвае расійскім сьцягам, а расійскія вайскоўцы без апазнавальных знакаў акружаюць украінскі памежны пост у крымскім горадзе Балаклава, Украіна, 1 сакавіка 2014 года. Фота: ReutersРасійскія вайскоўцы без апазнавальных знакаў патрулююць цэнтр крымскага горада Сімферопаль, Украіна, 1 сакавіка 2014 года. Фота: ReutersРасійскія вайскоўцы без апазнавальных знакаў займаюць пазіцыі ля будынка рэгіянальнага парламента ў горадзе Сімферопаль, Крым, Украіна, 1 сакавіка 2014 года. Фота: ReutersРасійскія добраахвотнікі праводзяць вучэнні на імправізаваным кантрольна-прапускным пункце ля аэрапорта Бельбек, Крым, Украіна, 1 сакавіка 2014 года. Фота: ReutersПраваслаўныя святары моляцца побач з расійскімі вайскоўцамі без апазнавальных знакаў ля акружанага ўкраінскага памежнага паста ў крымскім горадзе Балаклава, Украіна, 1 сакавіка 2014 года. Фота: ReutersУзброеныя людзі без апазнавальных знакаў стаяць на варце ля будынка Савета міністраў Аўтаномнай Рэспублікі Крым у Сімферопалі, Украіна, 2 сакавіка 2014 года. Фота: ReutersМясцовыя жыхары сустракаюць калону з расійскімі і крымскімі сцягамі ў Сімферопалі, Крым, Украіна, 2 сакавіка 2014 года. Фота: ReutersУкраінскія вайскоўцы пад нацыянальным сцягам адыходзяць пасля перамоваў з расійскімі войскамі ў севастопальскім міжнародным аэрапорце Бельбек, Крым, Украіна, 4 сакавіка 2014 года. Фота: ReutersУкраінскі салдат глядзіць на расійскіх вайскоўцаў без апазнавальных знакаў, якія кружылі тэрыторыю ўкраінскай вайсковай часткі ў вёсцы Перавальнае пад Сімферопалем, Украіна, 3 сакавіка 2014 года. Фота: ReutersПрарасійскі мітынг у крымскім горадзе Еўпаторыя, Украіна, 5 сакавіка 2014 года. Фота: ReutersДзяржаўны сцяг Расіі над будынкам Савета міністраў Аўтаномнай Рэспублікі Крым у Сімферопалі, Украіна, 5 сакавіка 2014 года. Фота: ReutersСабакі праходзяць міма расійскіх вайскоўцаў без апазнавальных знакаў ля ўкраінскай вайсковай базы ў вёсцы Перавальнае пад Сімферопалем, Крым, Украіна, 6 сакавіка 2014 года. Фота: ReutersКарабель ВМФ Расіі блакуе ўваход у порт Севастопаля, Крым, Украіна, 7 сакавіка 2014 года. Фота: ReutersУдзельнік прарасійскага атрада самаабароны назірае за маршам праўкраінскіх дэманстрантаў каля будынка мясцовага парламента ў крымскім горадзе Сімферопаль, Украіна, 8 сакавіка 2014 года. Фота: ReutersКалона бранятэхнікі расійскай арміі рухаецца па дарозе ў горад Севастопаль, Крым, Украіна, 10 сакавіка 2014 года. Фота: ReutersЛюдзі з расійскімі сцягамі ў Севастопалі, Крым, Украіна, 14 сакавіка 2014 года. Фота: ReutersКазак галасуе падчас рэферэндуму пра далучэнне Крыма да Расіі ў Сімферопалі, Украіна, 16 сакавіка 2014 года. Фота: ReutersЛюдзі глядзяць трансляцыю звароту прэзідэнта Расіі Уладзіміра Пуціна пасля падпісання ім дамовы пра ўваходжанне Крыма ў склад РФ у Севастопалі, Украіна, 18 сакавіка 2014 года. Фота: ReutersПрэзідэнт Расіі Уладзімір Пуцін (другі справа), прэм’ер-міністр Крыма Сяргей Аксёнаў (злева), спікер парламента Крыма Уладзімір Канстанцінаў (другі злева) і мэр Севастопаля Аляксей Чалы паціскаюць адзін аднаму рукі пасля цырымоніі падпісання дамовы пра ўваходжанне Крыма ў склад РФ, Крэмль, Масква, Расія, 18 сакавіка 2014 года. Фота: ReutersАфіцэр ВМС Украіны праходзіць міма расійскіх вайскоўцаў без апазнавальных знакаў, пакідаючы штаб ВМС Украіны ў Севастопалі, 19 сакавіка 2014 года. Фота: ReutersЖанчына чытае бясплатную газету з загалоўкам «Крым выбраў Расію» ў Сімферопалі, Крым, Украіна, 17 сакавіка 2014 года. Кіраўніцтва Крыма, якое падтрымліваў Крэмль, абвясціла пра 96% тых, хто прагаласаваў на рэферэндуме за выхад са складу Украіны і далучэнне да РФ. Фота: Reuters
